ರೈಲ್ವೆ ಸ್ಟೇಷನ್‌ ಉಚಿತ ವೈಫೈ ಬಳಸಿ ಓದಿ UPSC IAS ಪರೀಕ್ಷೆ ಪಾಸ್‌ ಮಾಡಿದ ಕೇರಳ ಕೂಲಿ ಕಾರ್ಮಿಕ
ಕೇಂದ್ರ ಲೋಕಸೇವಾ ಆಯೋಗ ನಡೆಸುವ ವಿವಿಧ ಸಿವಿಲ್ ಸೇವೆಗಳ ಪರೀಕ್ಷೆಗಳು ಹಲವು ಕಾರಣಗಳಿಂದ ಅತೀ ಕಠಿಣ ಪರೀಕ್ಷೆಗಳು. ಹಲವರು ತರಬೇತಿ ತೆಗೆದುಕೊಂಡರೂ ಸಹ ಕಡಿಮೆ ಎಂದರೆ 4 ರಿಂದ 5 ಪ್ರಯತ್ನಗಳ ನಂತರವೇ ಈ ಪರೀಕ್ಷೆ ಪಾಸ್‌ ಮಾಡುವುದು. ಈ ಪರೀಕ್ಷೆ ಬರೆಯಲು ಇನ್ನೂ ಹಲವರಿಗೆ ಸ್ಪೂರ್ತಿ ನೀಡುವಂತೆ, ಕೇರಳ ಮೂಲದ ಕೂಲಿ ಕಾರ್ಮಿಕ ಶ್ರೀನಾಥ್‌ ಕೆ ಎಂಬುವರು ಭಾರತೀಯ ಆಡಳಿತ ಸೇವೆ (IAS)ಪರೀಕ್ಷೆಯನ್ನು ಪಾಸ್‌ ಮಾಡಿದ್ದಾರೆ. ವಿಶೇಷತೆ ಏನೆಂದರೆ ಇವರು ತಮ್ಮ ಅಧ್ಯಯನಕ್ಕೆ ರೈಲ್ವೆ ನಿಲ್ದಾಣದ ಉಚಿತ ವೈಫೈ ಸೌಲಭ್ಯ ಬಳಸಿಕೊಂಡು ಅಧ್ಯಯನ ಮಾಡಿರುವುದಾಗಿದೆ.
ಕೇರಳದ ಮುನ್ನಾರ್ ಮೂಲದ ಶ್ರೀನಾಥ್‌ ಕೆ ಅವರು ಕೂಲಿ ಕಾರ್ಮಿಕರಾಗಿದ್ದು, ಅವರೊಬ್ಬರೇ ಕುಟುಂಬದ ಆದಾಯ ಮೂಲ. ಕಠಿಣ ಕೆಲಸದ ಪ್ರಾಮುಖ್ಯತೆ ಅರಿತ ಅವರು, ತಮ್ಮ ಪರಿಶ್ರಮದಿಂದ ಯುಪಿಎಸ್‌ಸಿ ಸಿವಿಲ್ ಸರ್ವೀಸೆಸ್ ಪರೀಕ್ಷೆ ಪಾಸ್‌ ಮಾಡಿದ್ದಾರೆ. ತಮ್ಮ ಕೂಲಿಯಿಂದ ಕುಟುಂಬದ ಖರ್ಚನ್ನು ನಿಭಾಯಿಸಲು ಸಾಧ್ಯವಾಗುವುದಿಲ್ಲ ಎಂಬುದನ್ನು ಅರಿತ ಇವರು 2018 ರಲ್ಲಿ ಯುಪಿಎಸ್‌ಸಿ ಸಿವಿಲ್ ಸೇವೆಗಳ ಪರೀಕ್ಷೆಗೆ ಅಧ್ಯಯನವನ್ನು ಆರಂಭಿಸಿದ್ದರು.
ತಮ್ಮ ಕೂಲಿಯಿಂದ ಕುಟುಂಬದ ಜೀವನ ನಡೆಸಲು ಸಾಧ್ಯವಾಗುವುದಿಲ್ಲ ಎಂಬುದನ್ನು ಅರ್ಥೈಸಿಕೊಂಡ ಅವರು, ನಂತರದಲ್ಲಿ ಎರಡು ಶಿಫ್ಟ್‌ಗಳಲ್ಲಿ ಕೂಲಿ ಮಾಡಲು ಹೊರಟರು. ಆದರೂ ಸಹ ತಮ್ಮ ಕೂಲಿ ಸಂಬಳ ಜೀವನಾಂಶಕ್ಕೆ ಸಾಕಾಗುವುದಿಲ್ಲ ಎಂಬುದನ್ನು ಅರಿತ ಅವರು, ನಂತರದಲ್ಲಿ ಐಎಎಸ್‌ ಪರೀಕ್ಷೆ ತೆಗೆದುಕೊಳ್ಳುವ ಕನಸನ್ನು ಕಟ್ಟಿಕೊಂಡರು. ಯುಪಿಎಸ್‌ಸಿ ಸಿವಿಲ್ ಸೇವೆ ಪರೀಕ್ಷೆಗೆ ತರಬೇತಿ, ಉತ್ತಮ ಅಧ್ಯಯನ ಬೇಕು ಎಂದು ತಿಳಿದುಕೊಂಡರು.
ಯುಪಿಎಸ್‌ಸಿ ಐಎಎಸ್‌ ಪರೀಕ್ಷೆಗೆ ತರಬೇತಿ ತೆಗೆದುಕೊಳ್ಳಲು ಸಾಕಾಷ್ಟು ಹಣ ಬೇಕಾಗುತ್ತದೆ. ಇದನ್ನು ನನಗೆ ಬರಿಸಲು ಆಗುವುದಿಲ್ಲ ಎಂದು ತಿಳಿದ ಶ್ರೀನಾಥ್‌, ನಂತರದಲ್ಲಿ ಸ್ಮಾರ್ಟ್‌ಫೋನ್‌ ಮತ್ತು ರೈಲ್ವೆ ಸ್ಟೇಷನ್‌ನ ಉಚಿತ ವೈಫೈ ಸೌಲಭ್ಯ ಬಳಸಿಕೊಂಡು ಅಧ್ಯಯನ ಆರಂಭಿಸಿದರು. ಅನಗತ್ಯ ಖರ್ಚುಗಳನ್ನು ಕಡಿಮೆ ಮಾಡಿ, ಆನ್‌ಲೈನ್‌ ಕ್ಲಾಸ್‌ಗಳ ಮೂಲಕ ಉತ್ತಮ ಅಧ್ಯಯನ ನಡೆಸಿ, ಮೊದಲು ಕೇರಳ ಪಬ್ಲಿಕ್‌ ಸರ್ವೀಸ್ ಕಮಿಷನ್‌ ಪರೀಕ್ಷೆ ಪಾಸ್‌ ಮಾಡಿದರು.
ಕೆಪಿಎಸ್‌ಸಿ ಪರೀಕ್ಷೆ ಶ್ರೀನಾಥ್‌ ರವರ ಗುರಿ ಅಲ್ಲವಾದ್ದರಿಂದ, ಇನ್ನೂ ಹೆಚ್ಚು ಶ್ರಮ ಹಾಕುವ ಮೂಲಕ ತಮ್ಮ ದೊಡ್ಡ ಕನಸನ್ನು ಬಿಟ್ಟುಕೊಡಲಿಲ್ಲ. ಮೂರು ಪ್ರಯತ್ನಗಳಲ್ಲಿ ಯುಪಿಎಸ್‌ಸಿ ಐಎಎಸ್‌ ಪರೀಕ್ಷೆ ಪಾಸ್‌ ಆಗದಿದ್ದರೂ ಸಹ ತಮ್ಮ ಆಸಕ್ತಿ, ಗುರಿ ಮುಟ್ಟುವ ಹಠವನ್ನು ಬಿಡಲಿಲ್ಲ. ಮತ್ತೆ ತಮ್ಮ ಅಧ್ಯಯನ ಮುಂದುವರೆಸಿದರು. ತಮ್ಮ ಪ್ರತಿ ಪ್ರಯತ್ನದಿಂದಲೂ ಆತ್ಮಸ್ಥೈರ್ಯ ಹೆಚ್ಚಿಸಿಕೊಂಡಿದ್ದ ಶ್ರೀನಾಥ್‌ ತಮ್ಮ ನಾಲ್ಕನೇ ಪ್ರಯತ್ನದಲ್ಲಿ ಯುಪಿಎಸ್‌ಸಿ ಐಎಎಸ್‌ ಪರೀಕ್ಷೆಯನ್ನು ಪಾಸ್‌ ಮಾಡಿದ್ದಾರೆ. ಇವರು ಹಲವು ಯುಪಿಎಸ್‌ಸಿ ಪರೀಕ್ಷೆ ಆಕಾಂಕ್ಷಿಗಳಿಗೆ ಮಾದರಿ ಹಾಗೂ ಸ್ಪೂರ್ತಿ ಆಗಿದ್ದಾರೆ.
No comments:
Post a Comment